Hansi að störfum.
Pepsi-deildin var flautuð á um helgina og er Draumaliðsdeildin komin á fulla ferð en það er Brammer sem býður þér upp á deildina. Í Draumaliðsdeildinni er hægt að setja saman úrvalslið, safna stigum og keppa við vini og vandamenn í einkadeildum.
Smelltu hér til að fara á heimasíðu deildarinnar og velja þitt lið
Hans Steinar Bjarnason, íþróttafréttamaður á RÚV, tekur að sjálfsögðu þátt en hér að neðan má sjá hans lið.
„Mitt lið er unnið upp úr hávísindalegri heimildaöflun. Vegna trúnaðar við heimildamenn get ég ekki upplýst um ástæður fyrir vali á leikmönnum," segir Hansi.
Hann er í fínum málum eftir leikina í gær. Í markinu stendur Gunnar Nielsen og í vörninni er liðsfélagi hans hjá Stjörnunni, Daníel Laxdal. Garðabæjarliðið hélt hreinu á Skaganum.
Á miðjunni er hann með Igor Taskovic, fyrirliða Víkings, sem skoraði í 3-1 sigri gegn Keflavík.
Þá voru Leiknismenn að reynast liði hans drjúgir. Hann er bæði með Sindra Björnsson og Hilmar Árna Halldórsson sem skoruðu í 3-0 útisigri gegn Val. Auk þess lagði Hilmar upp mark og var valinn maður leiksins.
Athugasemdir
