ÍR hefur fengið framherjann Patrik Snæ Atlason í sínar raðir fyrir átök sumarsins í 2. deildinni.
Patrik er fæddur árið 1994 en hann lék með Víkingi og FH í yngri flokkunum og kom talsvert við sögu í 1. deildinni með fyrrnefnda liðinu árið 2012.
Í fyrravor gekk Patrik til liðs við Njarðvík og ætlaði að spila með liðinu í 2. deildinni.
Slæm hnémeiðsli fyrir ári síðan komu hins vegar í veg fyrir þær áætlanir hans.
Patrik er kominn af stað á nýjan leik og verður með ÍR-ingum í sumar.
Athugasemdir