Ragnar Sigurðsson lék allan leikinn í liði Krasnodar sem lagði fallbaráttulið Arsenal Tula af velli í rússnesku deildinni í dag.

Rússneski landsliðsmaðurinn Roman Shirokov gerði eitt mark og lagði annað upp, rétt eins og brasilíski sóknarmaðurinn Ariclenes da Silva Ferreira, betur þekktur sem Ari.

Raggi Sig og félagar eru því í öðru sæti þegar fjórar umferðir eru eftir, fjórum stigum á undan CSKA Moskvu og sex stigum á eftir toppliði Zenit.

Annað sæti deildarinnar gefur þátttökurétt í undankeppni Meistaradeildarinnar en þriðja og fjórða sætið gefa rétt í undankeppni Evrópudeildarinnar.