Sigurður Donys Sigurðsson var hetja Einherja frá Vopnafirði í 1-0 sigri á Álftanes í öðrum leik dagsins í 3. deild karla í dag.

Sigurður skoraði markið mikilvæga á 64. mínútu en Einherji eru því í fjórða sæti deildarinnar með 14 stig, tveimur stigum á eftir Kára Akranesi og Reyni Sandgerði sem eru í öðru og þriðja sæti.

Álftanes eru hinsvegar í næst neðsta sæti með aðeins fjögur stig, tveimur á eftir Berserkjum í áttunda sætinu.