Bjarni Gunnarsson átti líklega sinn besta leik í ÍBV treyju í dag.
Bjarni Gunnarsson var í skýjunum með 4-0 sigur Eyjamanna á Fylki í Borgunarbikarnum í dag. Bjarni var besti maður Eyjamanna og skoraði tvö mörk ásamt því að leggja upp annað.
Lestu um leikinn: ÍBV 4 - 0 Fylkir
„Ég held að enginn hafi átt von á svona stórum sigri í dag, Fylkismenn eru með virkilega gott lið og við bjuggumst við hörkuleik en þeir áttu ekki góðan dag í dag," sagði Bjarni.
Eyjamenn hafa nú spilað tvo leiki án Jóhannesar Harðarsonar sem er aðalþjálfari ÍBV.
„Gameplan-ið kemur meira og minna frá Jóa að utan og við reynum bara að fylgja eftir því sem við höfum gert hjá honum, ég veit ekki hvort strákarnir eru tilbúnir að leggja meira á sig núna þegar Jói er farinn og menn þurfa að stíga upp en við erum allavegana að gera þetta fyrir Jóa,"
„Ef við höldum svona áfram þá erum við á beinustu leið á Laugardalsvöll, það er klárt mál," sagði Bjarni sem ætlar að fagna vel með liðsfélögunum á Goslokahátíðinni í Eyjum í kvöld.
Athugasemdir
