Arturo Vidal fagnar í leiknum gegn Wolfsburg.
Arturo Vidal segir að möguleikinn á að vinna Meistaradeild Evrópu sé það sem sannfærði hann um að fara til Bayern Munchen.
Sílebúinn komst í úrslit keppninnar með Juventus á síðustu leiktíð en hann telur líkurnar á að vinna keppnina vera meiri hjá Bayern.
„Ég er kominn hingað til að vinna Meistaradeildina," sagði hann við fréttamenn.
„Vonandi verður það á þessu ári, en mig langar að vera hérna í mörg ár og vinna eins mikið og ég get. Mig langar að spila á miðjunni eins og ég gerði með landsliðinu og Juventus. Það er mín staða."
Athugasemdir
