Samkvæmt heimildum Sky Sports eru þeir Jurgen Klopp og Carlo Ancelotti báðir á óskalista Liverpool sem næsti knattspyrnustjóri liðsins.
Brendan Rodgers var rekinn frá Liverpool í dag eftir 1-1 jafntefli liðsins gegn Everton og hefur Klopp verið sterklega orðaður við starfið. Þá hefur Ancelotti sömuleiðis verið nefndur sem mögulegur arftaki Norður-Írans.
Brendan Rodgers var rekinn frá Liverpool í dag eftir 1-1 jafntefli liðsins gegn Everton og hefur Klopp verið sterklega orðaður við starfið. Þá hefur Ancelotti sömuleiðis verið nefndur sem mögulegur arftaki Norður-Írans.
Samkvæmt Sky hefur Liverpool hvorki haft samband við Klopp né Ancelotti þó þeir séu báðir á óskalistanum. Það ætti að breytast von bráðar.
Sky greinir jafnframt frá því að Liverpool hafi engan áhuga á að ráða bráðabirgða-knattspyrnustjóra. Markmiðið er að nýr maður verði kominn til starfa þegar liðið mætir Tottenham í fyrsta leik eftir landsleikjahlé þann 17. október.
Athugasemdir