Tveir leikir eru á dagskrá þýsku Bundesligunnar í dag en þrjú af þeim fjóru liðum sem eru í eldlínunni í dag eru að berjast í neðri hlutanum.

Darmstadt fær Hamburger í heimsókn í algjörum fallbaráttuslag því Hamburger er enn án sigurs á botni deildarinnar og Darmstadt er tveim sætum ofar með átta stig úr tólf leikjum.

Klukkan 16:30 fær Augsburg heimsókn frá Frankfurt en íslenski landsliðsframherjinn Alfreð Finnbogason glímir við meiðsli og verður ekki með Augsburg í dag.

Liðinu hefur gengið illa að skora á meðan Alfreðs nýtur ekki við en Augsburg hefur gert markalaust jafntefli í síðustu tveim leikjum sínum.