Luke Shaw kom til umræðu á fréttamannafundi í dag.
Manchester United leikur við CSKA Moskvu í Meistaradeildinni á morgun. Ansi mikið þarf að ganga á til að United missi af sæti í 16-liða úrslitum.
Nemanja Matic, Michael Carrick og Zlatan Ibrahimovic eru allir fjarri góðu gamni og leika ekki á morgun. Þá verður David de Gea hvíldur og Sergio Romero verður í rammanum.
Jose Mourinho, stjóri United, sagði að Zlatan væri ekki byrjaður að æfa 100% með liðinu eftir erfiðu hnémeiðslin. Hann tekur stundum daga þar sem öll vinna hans fer fram í ræktinni.
Mun Luke Shaw fá tækifæri á morgun?
„Ég verð að hugsa þetta. Ég mun gera nokkrar breytingar en ekki of margar. Við erum ekki komnir áfram og það verður að halda jafnvægi í liðinu. Luke Shaw er að vinna fyrir því að fá tækifæri og það mun koma. Hann á skilið að fá tækifæri. Hann verður í hópnum á morgun en hvort hann byrji get ég ekki sagt," segir Mourinho.
Shaw hefur ekki náð að festa sig í sessi hjá Mourinho en Ashley Young er vinstri bakvörður númer eitt núna.
Jose, on @PaulPogba: "He's very happy to play tomorrow. It's the next match, it's the match that matters. Since he has been back from injury, he's been phenomenal." #MUFC
— Manchester United (@ManUtd) December 4, 2017
Jose Mourinho og Paul Pogba.
Athugasemdir
