banner
   fös 05. febrúar 2016 17:12
Magnús Már Einarsson
Guðmundur Magnússon í Keflavík (Staðfest)
Mynd: Keflavík
Guðmundur Magnússon hefur gengið til liðs við Keflavík en hann skrifaði undir tveggja ára samning við félagið í dag.

Guðmundur spilaði með HK á síðasta tímabili en þar lék hann undir stjórn Þorvalds Örlygssonar sem þjálfar í dag Keflavík.

Hinn 24 ára gamli Guðmundur er uppalinn hjá Fram en hann hefur einnig leikið með Víkingi Ólafsvík á ferli sínum.

Guðmundur hefur leikið með Keflavík í Fótbolta.net mótinu að undanförnu.

Hann er í leikmannahópi Keflavíkur sem mætir HK í úrslitaleik í B-deild Fótbolta.net mótsins klukkan 18:00 í Reykjaneshöllinni.
Athugasemdir
banner
banner
banner
banner