Ólafur Páll Snorrason stýrði sínum mönnum til sigurs á Reykjavíkurmótinu og sagði eftir leik að margt mætti bæta þrátt fyrir sigurinn.
Fjölnir hafði betur gegn Fylki í afar fjörugum úrslitaleik, þar sem Þórir Guðjónsson gerði þrennu fyrir Fjölni og Albert Brynjar Ingason tvennu fyrir Fylki.
Fjölnir hafði betur gegn Fylki í afar fjörugum úrslitaleik, þar sem Þórir Guðjónsson gerði þrennu fyrir Fjölni og Albert Brynjar Ingason tvennu fyrir Fylki.
„Ég er ánægður með fyrsta Reykjavíkurmeistaratitil Fjölnis. Það voru ekki alveg nógu mikil gæði í mínu liði, ég hefði viljað halda boltanum betur. Það er margt sem þarf að bæta þrátt fyrir fínan leik," sagði Óli Palli.
„Við erum með frábæra fótboltamenn í þessu liði og það er einn af okkar styrkleikum að sækja hratt og vera beinskeyttir. Þegar Tóti er rétt staðsettur inní teig eru fáir eins góðir og hann. Hann hefur verið Fjölni mjög mikilvægur mjög lengi."
Ásgeir Börkur Ásgeirsson, miðjumaður Fylkis, fékk beint rautt spjald fyrir hrottalega tæklingu á lokamínútum uppbótartímans.
„Ég sá ekki tæklinguna og brást bara við eins og bekkurinn. Ég áætla að þetta hafi verið svakaleg tækling en ég ætla ekki að fara að velta mér uppúr því hvað Ásgeir Börkur gerir inná vellinum. Þetta er hans fótbolti, hann er á línunni nánast alltaf og það er ekkert hægt að breyta því."
Athugasemdir