Fylkismenn halda áfram að vera á góðu skriði í Lengjubikarnum en þeir sigruðu Þrótt örugglega 4-1 í Egilshöll í kvöld.

Ingimundur Níels Óskarsson gaf tóninn strax á fyrstu mínútu og eftir rúman hálftíma voru Fylkismenn 3-0 yfir.

Jón Kaldal náði að minnka muninn fyrir hlé með fallegu marki og í upphafi síðari hálfleiks fékk Jóhannes Karl Guðjónsson sitt annað gula spjald og þar með rautt.

Ef Þróttarar áttu von á að koma til baka þá hvarf hún skömmu síðar þegar Ásgeir Örn skoraði fjórða mark Fylkis og lokatölur 4-1.

Fylkir er með tíu stig eftir fjóra leiki í Lengjubikarnum en Þróttarar eru með fjögur stig eftir þrjá leiki.