Freyr Alexandersson er stoltur af Stelpunum okkar eftir markalaust jafntefli gegn Evrópumeisturum Hollands á æfingamótinu í Algarve.
Ísland gerði jafntefli við Dani, sem fengu silfrið á EM, í fyrstu umferð og tapaði svo fyrir Japan eftir að hafa skipt tíu leikmönnum úr byrjunarliðinu á milli leikja.
Ísland gerði jafntefli við Dani, sem fengu silfrið á EM, í fyrstu umferð og tapaði svo fyrir Japan eftir að hafa skipt tíu leikmönnum úr byrjunarliðinu á milli leikja.
„Ég er mjög ánægður með frammistöðuna, þetta var mikil varnarvinna," sagði Freyr eftir leikinn.
„Færslurnar sem við erum búin að vera að vinna í komu vel fram í dag og leikmenn eru búnir að vera að bæta sig hratt.
„Sóknarleikurinn batnaði líka, við fengum fín upphlaup í dag og tvö dauðafæri. Þær eru með frábæran markmann sem varði vel."
Freyr er ánægður með að hafa náð að loka á öfluga sóknarmenn Hollands í leiknum.
„Þær náðu ekki að skapa sér mikið vegna þess að liðið spilaði góðan varnarleik. Við náðum að taka kantmennina þeirra út úr leiknum.
„Það verður að hrósa Selmu Sól sem var að spila á móti leikmanni sem var valinn besti leikmaður heims fyrir stuttu síðan. Selma var að spila sinn þriðja landsleik eða fjórða og hún gerði gríðarlega vel. Hún hefði ekki getað gert það svona vel nema með svona góða liðsfélaga í kringum sig."
Freyr verður ekki með liðinu í síðasta leik æfingamótsins og grínaðist með að leikmenn verði ánægðir með að vera lausir við hann.
Athugasemdir