Heimild: Akraborgin
Ólafur við hliðarlínuna á sunnudag.
„Það vantar sigurvegara í þetta lið," sagði Henry Birgir Gunnarsson, íþróttafréttamaður hjá 365, í útvarpsþættinum Akraborgin á X-inu í gær. Valsliðið var þar harðlega gagnrýnt eftir frammistöðuna í 0-3 tapinu gegn Leikni.
Viðtöl Ólafs Jóhannessonar við fjölmiðla voru einnig til umræðu en fyrir mót sagði Ólafur að Valur væri einfaldlega ekki með nægilega góðan hóp til að berjast um Evrópusæti. Ummæli sem hafa verið talsvert til umræðu.
„Ég held að allt svona tal sé ekki gott og sé ekki uppbyggjandi. Fólk fer að smjatta á þessu og tala um þetta og það hefur áhrif."
„Þetta er Deja Vu og minnir mann á hvernig hann talaði sem landsliðsþjálfari. Þá talaði hann um að við ættum ekki möguleika á jafntefli og allt í þeim dúr. Hann er að halda áfram með þessa taktík. Þú verður að fá leikmenn til að hafa trú á verkefninu og honum er engan veginn að takast það ætlunarverk," sagði Henry.
Smelltu hér til að hlusta á umræðuna í heild sinni af Vísi.
Athugasemdir
