Florian Bauer er einn fréttamannanna og skrifaði færslu á Twitter þar sem hann greindi frá því að hann og aðrir starfsmenn hafi verið handteknir og yfirheyrðir af lögreglu og leynilögreglu.

Fréttaskýringaþátturinn heitir Sala knattspyrnunnar: Sepp Blatter og vald FIFA.

Í þættinum kemur margt fram um meðhöndlun starfskrafts sem er að vinna við að byggja leikvanga og gera allt klárt fyrir Heimsmeistaramótið. Þá er einnig fjallað um mútumál, mannréttindamál í landinu og farið er djúpt í að skoða fólk sem er borgað fyrir að mæta á sjónvarpaða íþróttaviðburði til að láta líta út fyrir að það sé mikill íþróttaáhugi og kaupmáttur meðal almennings í landinu.

Gríðarlega margir hafa gagnrýnt vinnubrögð Alþjóða knattspyrnusambandsins í kringum HM 2022 og enn fleiri hafa gagnrýnt skipuleggjendur mótsins í Katar, sem er að stærstum hluta ríkisstjórn landsins.

„Nú er þetta opinbert. Við vorum handteknir í #Katar, yfirheyrðir af lögreglu og leynilögreglu. Fengum ekki að yfirgefa landið hvað dögum skipti." stendur í færslu Bauer.

Now it's public. We got arrested in #Qatar, interrogated by the police&the intelligence service.Not allowed to leave the country for days.

— Florian Bauer (@FloBauerAuthor) May 4, 2015

Nasser Al-Khater, einn yfirmanna skipulagningar HM í Katar, er búinn að svara ásökun Bauer.

@danroan this is untrue...they were detained for filming without a permit. It's standard to delete footage that was captured w/o a permit

— Nasser Al-Khater (@Nasser1277) May 4, 2015