Heimild: Akraborgin
Ljóst er að bakvörðurinn Jonathan Hendrickx hjá FH mun að minnsta kosti missa af þriðjungi Pepsi-deildarinnar. Þetta sagði Hörður Magnússon, umsjónarmaður Pepsi-markanna, í viðtali í Akraborginni á X-inu.
Skoðun í dag leiddi í ljós að þessi belgíski leikmaður er með tognuð eða slitin liðbönd og kemur í ljós eftir tvær vikur hvort það verði sex vikur eða þrír mánuðir sem hann mun missa af.
„Bakvarðaógæfa FH gegnum síðustu ár er ótrúleg. Guðjón Árni fékk höfuðhögg, Sam Tillen í fyrra og svo Alen Sutej á sínum tíma," sagði Hörður.
Hendrickx fór meiddur af velli í 3-1 útisigri FH gegn KR í fyrstu umferð Pepsi-deildarinnar í gær og var í fyrstu óttast að hann væri fótbrotinn en svo reyndist ekki vera.
Athugasemdir