Roman Abramovich, eigandi félagsins, er ánægður eftir að Mourinho skilaði deildabikarsigri og enska meistaratitlinum..

Þessi samningur hefur verið í kortunum en viðræður geymdar þar til Chelsea næði að landa sínum fyrsta Englandsmeistaratitli í fimm ár.

Mourinho segist ákveðinn í að vinna fleiri titla og stefnir á að vera hjá Chelsea eins lengi og Abramovich vilji hafa sig í starfi.

„Það hefur verið mikið álag og ég er þreyttur. Það er erfitt að glíma við þetta en sem betur fer erum við staðfestir meistarar núna. Loksins getum við andað, slakað á og notið. Við getum horft til baka og séð hversu mikið við áttum þetta skilið," segir Mourino.