Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   þri 05. maí 2015 10:00
Magnús Már Einarsson
Rickie Lambert til Chelsea?
Powerade
Rickie Lambert er óvænt orðaður við Chelsea.
Rickie Lambert er óvænt orðaður við Chelsea.
Mynd: Getty Images
Koke er líka orðaður við Chelsea.
Koke er líka orðaður við Chelsea.
Mynd: Getty Images
Það er alls konar áhugavert slúður í ensku blöðunum í dag.



Chelsea er tilbúið að borga 30 milljónir punda og senda Filipe Luis til Atletico Madrid í skiptum fyrir miðjumanninn Koke. (Daily Express)

Jose Mourinho, stjóri Chelsea, vill fá Rickie Lambert framherja Liverpool til að fylla skarð Didier Drogba í sumar. Lambert er 33 ára gamall en Drogba er 37 ára. (Daily Telegraph)

Ashley Young mun vera verðlaunaður með nýjum samning hjá Manchester United eftir góða frammistöðu á tímabilinu. (Daily Mail)

Southampton vill fá Ondrej Duda, tvítugan miðjumann Legia Varsjá, til að fylla skarð Morgan Schneiderlin sem fer annað hvort til Arsenal eða Tottenham. (Sun)

WBA vill fá Benik Afobe framherja Wolves í sínar raðir. (Daily Mail)

Manchester United óttast að Borussia Dortmund muni koma í veg fyrir félagaskipti Mats Hummels í sumar. (Manchester Evening News)

Sunderland gæti reynt að krækja í Micah Richards varnarmann Manchester City en hann verður samningslaus í sumar. Hinn 26 ára gamli Richards hefur í vetur verið á láni hjá Fiorentina. (Mirror)

Asmir Begovic gæti farið frá Stoke eftir að hafa ekki verið í liðinu gegn Swansea um síðustu helgi. Liverpool hefur áhuga á honum. (Express)

Phil Jones gæti snúið aftur í lið Manchester United fyrir síðustu þrjá leiki tímabilsins. (Daily Star)

Steve McClaren mun ekki fara frá Derby til að taka við Newcastle. Derby misstu af sæti í umspili í Championship deildinni um helgina en McClaren ætlar upp með liðið að ári. (Derby Telegraph)

Crystal Palace hefur lagt fram 5,8 milljóna tilboð í Eder framherja Sampdoria. Stoke og Southampton hafa áhuga á liðsfélaga hans Stefano Okaka. (Gazzetta dello Sport)

Brendan Rodgers, stjóri Liveropol, hefur gagnrýnt skammtíma hugsun í fótbolta en hann segir Liverpool vera á réttri leið. (Guardian)
Athugasemdir
banner
banner
banner