Frönsku kantmennirnir Gabriel Obertan og Sylvain Marveaux hafa yfirgefið enska úrvalsdeildarliðið Newcastle United.
Samningar þeirra beggja við félagið áttu að renna út í sumar en þeir hafa komist að samkomulagi um starfslok og geta því hafið leit að nýju félagi nú þegar.
Hinn 27 ára gamli Obertan hefur komið við sögu í fimm deildarleikjum á þessu tímabili en alls hefur hann leikið 77 leiki fyrir Newcastle síðan hann kom til félagsins frá Man Utd árið 2011.
Marveaux hefur einnig verið í herbúðum Newcastle frá árinu 2011 og hefur alls leikið 57 leiki fyrir enska liðið en hann var lánaður til Guingamp í heimalandinu á síðustu leiktíð.
Athugasemdir