Vincent Kompany meiddist enn og aftur í gærkvöldi er Manchester City tapaði gegn Real Madrid í undanúrslitum Meistaradeildar Evrópu.
Kompany, fyrirliði City, hefur verið að glíma við meiðsli alla leiktíðina en hann fór af velli eftir tíu mínútur í gær og hélt hann um hægri löpp sína.
Real vann að lokum, 1-0 og Manuel Pellegrini, þjálfari liðsins segir að Kompany hafi meitt sig á nára.
City mun vita meira um meiðslin hjá Belganum í dag en þá kemur liðið heim frá Spáni en ólíklegt þykir að hann spili meira á leiktíðinni en vonast er til að hann verði klár á EM í sumar.
Kompany er nýkominn úr meiðslum en þetta var í 33.skipti sem Kompany meiðist síðan hann kom til City frá Hamburg árið 2008.
Athugasemdir