Fílbeinsstrendingurinn fór til City á 24 milljónir punda og varð fljótlega einn af máttarstóplum liðsins er þeir unnu deildina tvisvar og enska bikarinn einu sinni.

Toure segist ekki hafa vitað að hann væri á leiðinni til City fyrr en umboðsmaður hans sagði honum að liðið spilaði í bláum treyjum.

„Umboðsmaðurinn minn þurfti að segja mér að þetta var liðið sem spilaði í bláu treyjunum. Á þeim tíma var United töluvert stærra lið. Ég ber mikla virðingu fyrir Manchester United."

Þrátt fyrir að Manchester City hafi dottið út úr Meistaradeild Evrópu í gær, var Toure samt sem áður stoltur að hafa náð svo langt.

„Að vera í þessum hóp, sem er að skrifa sig í sögubækurnar, er ótrúlegt," sagði Toure.