Heimild: HSV
HSV Hamburg hefur gengið frá samningum við bosníska landsliðsmiðvörðinn Emir Spahic.
Spahic kemur til Hamburg á frjálsri sölu en Bayer Leverkusen rifti samningi sínum við kappann síðastliðið vor eftir að hann réðst á starfsmann félagsins eftir tapleik gegn Bayern Munchen.
Hamburg hélt sæti sínu í Bundesligunni með naumindum en liðið lenti í þriðja neðsta sæti deildarinnar og þurfti því að keppa við þriðja efsta lið B-deildar til að útkljá um hvort liðið myndi leika meðal þeirra bestu.
Spahic gerir eins árs samning við Hamburg en þessi 34 ára gamli reynslubolti hefur farið víða á ferli sínum og meðal annars spilað í Rússlandi, Frakklandi og Spáni auk Þýskalands.
Athugasemdir