Orri Sigurður Ómarsson, miðvörður Vals átti gífurlega góðan leik þegar lið hans sló Víkinga út úr Borgunarbikarnum nú í kvöld. Valsmenn eru því á leið í undanúrslit.
„Þetta er bara næsta skref í bikarnum og þetta er það sem við stefndum að og við erum ánægðir með það," sagði Orri við Fótbolta.net.
„Þetta er bara næsta skref í bikarnum og þetta er það sem við stefndum að og við erum ánægðir með það," sagði Orri við Fótbolta.net.
„Þeir komu ofar á völlinn, við náðum marki fljótt á þá og þeir hafa ekki viljað fara í framlengingu þannig við náðum að finna glufurnar þá."
Nóg var að gera hjá Orra og hans mönnum í vörninni þar sem Víkingar beittu oft á tíðum hættulegum skyndisóknum.
„Maður hefur oft verið í svona stöðu en þetta er miklu skemmtilegra svona."
„Við þurfum að vinna Stjörnuna núna næst og svo fáum við smá frí, svo veit ég ekki hvaða lið við fáum í bikarnum en þetta verður bara spennandi," sagði Orri að lokum.
Athugasemdir