„Stjarnan gerði samningstilboð í sumar en ég vildi bíða þar til eftir tímabilið. Ég hef ekki ennþá fengið annað tilboð," sagði Pablo við Fótbolta.net í dag.

Pablo er í landsliði El Salvador sem mætir Haíti á laugardag og Gvatemala í næstu viku. Eftir það mun hann æfa með erlendum félögum.

„Ég fer líklega til félaga á reynslu eftir landsleikina og þær æfingar munu ráða miklu."

„Umboðsmaður minn hefur talað um mjög góð tilboð hér á Íslandi og erlendis svo ég mun bíða. Ég er ekki að drífa mig, þetta kemur í ljós í framtíðinni."

Pablo hefur verið fastamaður í liði Stjörnunnar undanfarin tvö ár en þessi fjölhæfi leikmaður spilaði áður í eitt ár með Fylki og eitt ár með Fjölni.