mán 05. október 2015 13:34
Magnús Már Einarsson
Rodgers ætlar að taka sér frí frá fótbolta
Mynd: Getty Images
Brendan Rodgers ætlar að taka sér frí frá fótbolta í einhvern tíma áður en hann skellir sér í slaginn á nýjan leik.

Rodgers var rekinn frá Liverpool í gær eftir að hafa stýrt liðinu frá því árið 2012.

Norður-Írinn er mjög svekktur með ákvörðun Liverpool samkvæmt frétt Liverpool Echo í dag.

Liverpool hafði einungis unnið einn af síðustu níu leikjum þegar ákveðið var að reka Rodgers í gær.

Rodgers ætlar sjálfur að taka sér frí frá fótbolta áður en hann ákveður næstu skref á ferli sínum.
Athugasemdir
banner
banner
banner
banner
banner