Danski framherjinn Rolf Toft verður ekki áfram í herbúðum Víkings R. á næsta tímabili. Þetta staðfesti Milos Milojevic, þjálfari Víkings, í samtali við Fótbolta.net í dag.
Rolf kom til Víkings frá Stjörnunni fyrir ári siðan og skrifaði þá undir tveggja ára samning. Endurskoðunarákvæði er í samningnum í haust og Víkingur ætlar að nýta sér það.
Rolf kom við sögu í öllum leikjum Víkings í Pepsi-deildinni í sumar og skoraði í þeim fjögur mörk.
Rolf kom til Víkings frá Stjörnunni fyrir ári siðan og skrifaði þá undir tveggja ára samning. Endurskoðunarákvæði er í samningnum í haust og Víkingur ætlar að nýta sér það.
Rolf kom við sögu í öllum leikjum Víkings í Pepsi-deildinni í sumar og skoraði í þeim fjögur mörk.
Igor Taskovic, fyrirliði Víkings, verður samningslaus síðar í mánuðinum en allt bendir til þess að hann verði áfram í Fossvoginum.
„Það er 99% líkur á að Igor komi aftur til baka," sagði Milos við Fótbolta.net í dag.
Varnarmaðurinn Milos Zivkovic og framherjinn Vladimir Tufegdzic ætla að spila í heimalandi sínu Serbíu í vetur og framhald þeirra hjá Víkingi mun skýrast á næstu mánuðum.
Óvíst er síðan með framhaldið hjá danska markverðinum Thomas Nielsen en hann stóð vaktina í markinu í sumar.
Athugasemdir