Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   lau 06. febrúar 2016 11:00
Ívan Guðjón Baldursson
Mancini: Ég var aldrei sendur upp í stúku á Englandi
Mynd: Getty Images
Roberto Mancini, þjálfari Inter, var rekinn upp í stúku er Inter tapaði 3-0 í erkifjendaslag gegn AC Milan.

Mancini var sendur upp í stúku fyrir kjaftbrúk og fyrir að sýna stuðningsmönnum Milan puttann.

„Það er bara hér á Ítalíu sem þjálfarar eru reknir af velli og settir í leikbann. Þetta er ekki gert í neinu öðru landi nema að þjálfararnir geri eitthvað mikið af sér. Ekki láta mig tala of mikið um þetta, þá gæti ég sagt það sem mér býr raunverulega í brjósti og þá endar illa," sagði Mancini á fréttamannafundi fyrir leik Inter gegn Verona um helgina.

„Ég var aldrei sendur upp í stúku á Englandi eða í Tyrklandi, þar er hægt að tala við fjórða dómarann án afleiðinga, það er eðlilegt og þannig á það að vera."

Mancini var spurður út í leikstíl Inter, sem er af mörgum talinn vera neikvæður og hundleiðinlegur. Hann svaraði því einfaldlega að ekkert lið á Ítalíu spilar virkilega góðan fótbolta því leikurinn sé of taktískur þar.

„Það eru bara fjögur eða fimm félög í heiminum sem spila virkilega góðan fótbolta, það eru liðin sem hafa alla bestu leikmennina, eins og Bayern München, Barcelona, Manchester City, Real Madrid og Paris Saint-Germain.

„Það er erfitt að spila glimrandi sóknarbolta í ítölsku deildinni því liðin eru of taktísk, skilja marga menn eftir í vörn og eru snögg að loka svæðum."

Stöðutaflan
  L U J T ms: mf: mun Stig
0 0 0 0 0 0 0 0 0
Athugasemdir
banner
banner
banner