Sporting Gijon fékk Deportivo La Coruna í heimsókn í lokaleik dagsins í La Liga á Spáni, en leiknum var að ljúka.

Sporting Gijon komst yfir eftir hálftíma leik, en þar var að verki Jony og staðan orðin 1-0 fyrir heimamenn.

Deportivo náði þó að jafna fyrir hálfleik, en þar var að verki Luis Alberto, lánsmaður frá Liverpool, og var þetta hans fimmta mark í deildinni fyrir Deportivo.

Ekki voru fleiri mörk skoruð í þessum leik og 1-1 því lokaniðurstaðan, en eftir leikinn er Sporting í 17. sæti deildarinnar á meðan Deportivo er í því níunda.