Juan Cuadrado gekk til liðs við Chelsea undir lok janúargluggans fyrir 31 milljón evra frá Fiorentina og kom Salah í skiptum en þó einungis á lánssamning.

Hann hefur verið stórkostlegur með Flórensarliðinu en hann er nú þegar kominn með 6 mörk í 7 leikjum fyrir félagið og virðist hafa fundið sig á ný.

Hann skoraði bæði mörk liðsins í 2-1 sigri þess á Juventus í fyrri undanúrslitaleik liðsins í ítalska bikarnum en Montella er ánægður með vængmaninn öfluga.

,,Allt liðið er að vaxa, ekki bara Salah, þó svo hann er að skora mikið af mörkum. Hann hefur aðlagast liðinu fljótt og við vissum að hann væri öflugur en við bjuggumst ekki alveg við þessari byrjun hjá honum," sagði ítalski þjálfarinn.