Um helgina fer fram 24. umferð þýsku Bundesligunnar þar sem toppliðin Wolfsburg og FC Bayern eiga bæði útileiki.

Umferðin hefst í kvöld þegar Stuttgart og Hertha Berlin mætast í leik sem verður sýndur í beinni á SkjárSport.

Meistarar FC Bayern eiga útileik gegn Hannover á morgun sem er aðalleikur helgarinnar, á meðan Wolfsburg sem er í 2. sætinu, átta stigum á eftir Bayern, heimsækir Augsburg á sama tíma.

Þá getur Dortmund haldið áfram frábæru gengi sínu í undanförnum leikjum gegn Hamburger á útivelli. Þeir gulklæddu eru komnir úr botnsætinu og upp í miðja deild eftir fjóra sigurleiki í röð.

Þá fara tveir leikir fram á sunnudag.