þri 06. mars 2018 18:41
Guðmundur Aðalsteinn Ásgeirsson
Byrjunarliðin í Meistaradeildinni: Salah og Van Dijk hvíldir
Mbappe byrjar og Di Maria tekur sæti Neymar
Salah fær hvíld.
Salah fær hvíld.
Mynd: Getty Images
Di Maria byrjar í stað Neymar.
Di Maria byrjar í stað Neymar.
Mynd: Getty Images
Mbappe fær aukna ábyrgð.
Mbappe fær aukna ábyrgð.
Mynd: Getty Images
Tveimur fyrstu viðureignum 16-liða úrslitum Meistaradeildarinnar lýkur í kvöld. Þetta eru tveir fróðlegir leikir, Liverpool fær heimsókn í Porto og ríkjandi Evrópumeistarar Real Madrid sækja Paris Saint-Germain heim. Tvö lið komast í 8-liða úrslitin í kvöld.

Báðir leikirnir hefjast 19:45 og eru sýndir beint.

Liverpool er svo gott sem öruggt áfram eftir 5-0 sigur í Porto og hvílir Jurgen Klopp sína stærstu stjörnu í kvöld, Mohamed Salah. Í stað Salah spilar Adam Lallana sinn fyrsta Evrópuleik frá úrslitaleik Evrópudeildarinnar árið 2016.

Virgil van Dijk er einnig hvíldur í kvöld og byrja Dejan Lovren og Joel Matip í hjarta varnarinnar.

Athygli vekur að Porto gerir átta breytingar frá erfiðum deildarleik um helgina. Eru Porto-menn búnir að gefast upp?

Byrjunarlið Liverpool: Karius, Gomez, Lovren, Matip, Moreno, Milner, Henderson, Can, Lallana, Mane, Firmino.
(Varamenn: Mignolet, Van Dijk, Salah, Klavan, Oxlade-Chamberlain, Ings, Alexander-Arnold)

Byrjunarlið Porto: Casillas, Maxi Pereira, Felipe, Reyes, Diogo Dalot, Oliver, Andre Andre, Bruno Costa, Corona, Waris, Aboubakar.
(Varamenn: José Sá, Ricardo Pereira, Luís Mata, Otávio, Sérgio Oliveira, Brahimi, Goncalo Paciencia)



Real Madrid fer með 3-1 forskot til Parísar en eins og margoft hefur komið fram er PSG án dýrasta leikmanns fótboltasögunnar, Neymar, í kvöld. Kylian, sem verður næstdýrasti leikmaður fótboltasögunnar í sumar, fær aukna ábyrgð í kvöld.

Mbappe hefur verið að glíma við meiðsli en er klár í slaginn. Angel Di Maria tekur sæti Neymar í byrjunarliðinu.

Enginn Gareth Bale er í byrjunarliðinu Real Madrid, en Marco Asensio byrjar með Ronaldo og Benzema. Lucas Vazquez byrjar líka.

Toni Kroos og Luka Modric byrja á bekknum vegna meiðsla.

Byrjunarlið PSG: Areola, Dani Alves, Marquinhos, Thiago Silva, Berchiche; Verratti, Motta, Rabiot; Mbappe, Cavani, Di Maria.
(Varamenn: Trapp, Kimpembe, Meunier, Diarra, Lo Celso, Draxler, Pastore)

Byrjunarlið Real Madrid: Navas, Carvajal, Ramos, Varane, Marcelo, Casemiro, Vazquez, Asensio, Kovacic, Ronaldo, Benzema.
(Varamenn: Casilla, Nacho, Kroos, Modric, Bale, Theo, Isco)

Leikir kvöldsins:
19:45 Liverpool - Porto (Stöð 2 Sport)
19:45 PSG - Real Madrid (Stöð 2 Sport 2)
Athugasemdir
banner
banner