Pep Guardiola, stjóri Manchester City, hefur staðfest að hann muni vera með hina umtöluðu gulu slaufu á hliðarlínunni á morgun þegar City mætir Basel í Meistaradeildinni.
UEFA bannar ekki slaufuna en hún er til að lýsa yfir stuðningi við stjórnmálamenn sem sitja í fangelsi á Spáni vegna sjálfstæðisbaráttu Katalóna.
UEFA bannar ekki slaufuna en hún er til að lýsa yfir stuðningi við stjórnmálamenn sem sitja í fangelsi á Spáni vegna sjálfstæðisbaráttu Katalóna.
Guardiola hefur borið gulu slaufuna á leikjum í ensku úrvalsdeildinni en er hættur því eftir að hafa fengið ákæru frá enska knattspyrnusambandinu. Englendingar banna stjórum að bera eitthvað sem talist getur sem pólitískur áróður.
Guardiola svaraði ekki ákæru enska knattspyrnusambandsins og segist ætla að halda áfram að bera slaufuna utan vallar og á leikjum í Meistaradeildinni þar sem slaufan er ekki bönnuð.
Athugasemdir