Umferðinni í ensku úrvalsdeildinni lauk í gær með dramatískum sigri Manchester United gegn Crystal Palace. Það er komið að úrvalsliðinu í boði Domino's en það er að þessu sinni sótt frá Daily Star.
Andre Ayew, Mohamed Salah, Harry Kane og Troy Deeney voru allir frábærir í umferðinni en því miður fannst ekki pláss fyrir þá í liðinu að þessu sinni.
Andre Ayew, Mohamed Salah, Harry Kane og Troy Deeney voru allir frábærir í umferðinni en því miður fannst ekki pláss fyrir þá í liðinu að þessu sinni.
Markvörður: Jack Butland (Stoke) - Átti örugga frammistöðu í markalausu jafntefli gegn Southampton.
Miðvörður: Matthew Lowton (Burnley) - Burnley vann sinn fyrsta sigur síðan í desember þegar liðið lagði Everton.
Miðvörður: Steve Cook (Bournemouth) - Átti fjölmargar hreinsanir gegn Leicester.
Miðvörður: Aymeric Laporte (Manchester City) - Frábær að spila út úr vörninni og sýndi í sigrinum gegn Chelsea af hverju Pep Guardiola vildi kaupa hann.
Hægri vængbakvörður: Alex Oxlade-Chamberlain (Liverpool) - Þessi fyrrum leikmaður Arsenal verður betri og betri hjá Liverpool.
Miðjumaður: Nemanja Matic (Manchester United) - Skoraði sitt fyrsta deildarmark fyrir United með stæl. Hörkuskot sem tryggði 3-2 sigur gegn Crystal Palace.
Miðjumaður: Ki Sung Yong (Swansea) - Suður-Kóreumaðurinn var magnaður þegar Swansea slátraði West Ham 4-1. Skoraði frábært mark og lagði upp annað.
Vinstri vængbakvörður: Son Heung-min (Tottenham) - Vængmaðurinn síhlaupandi hefur átt magnað tímabil og skoraði tvívegis gegn Huddersfield.
Sóknarmiðjumaður: Riyad Mahrez (Leicester) - Fór hægt af stað en náði að vaxa inn í leikinn og bjó til vandræði fyrir Bournemouth. Skoraði jöfnunarmarkið.
Sóknarmaður: Jordan Ayew (Swansea) - Var hrikalega líflegur gegn West Ham. Hefur verið á öflugu skriði.
Sóknarmaður: Glenn Murray (Brighton) - Öflugi sóknarmaðurinn skoraði gegn Arsenal. Funheitur um þessar mundir.
Athugasemdir
