Leikurinn verður 17:30 á laugardegi og ljóst að það verður líf og fjör á götum Manchester það laugardagskvöld ef sigurinn verður í höfn. Leiktíminn gerir það líka að verkum að líklegt er að margir vallargestir muni eyða góðum tíma við drykkju fyrir leikinn.

Áætlað er að auka löggæslu til mikilla muna, líka á börum borgarinnar þar sem stuðningsmenn beggja liða verða samankomnir til að horfa á leikinn.

Rætt er um að búa til sérstök svæði fyrir stuðningsmennina, líkt og lögreglan gerir kringum Evrópuleiki í borginni.

City er sem stendur 16 stigum á undan United. Bæði lið eiga tvo deildarleiki fram að viðureign liðanna. City ferðast til Stoke City og Everton á meðan United tekur á móti Liverpool og Swansea.

Ef bilið helst í 16 stigum þá þýðir það að sigur City í leiknum gegn United myndi færa forystuna í 19 stig þegar sex umferðir verða eftir.