Pep Guardiola, stjóri Manchester City, staðfesti á fréttamannafundi í dag að bakvörðurinn Benjamin Mendy væri farinn að æfa aftur eftir meiðsli.
Mendy skaddaði liðbönd í hné í september, nokkrum vikum eftir að City keypti hann frá Mónakó á 52 milljónir punda.
Mendy skaddaði liðbönd í hné í september, nokkrum vikum eftir að City keypti hann frá Mónakó á 52 milljónir punda.
Í fjarveru Mendy hafa Danilo, Fabien Delph og Oleksandar Zinchenko verið að spila í vinstri bakverði en það er ekki langt í að Mendy snúi aftur.
„Hann er mættur aftur en við verðum að sýna þolinmæði þar sem hann hefur verið frá í sex mánuði," segir Guardiola.
City er búið að stinga af í ensku úrvalsdeildinni og þá á liðið greiða leið í 8-liða úrslit Meistaradeildarinnar eftir 4-0 sigur gegn Basel í fyrri viðureign liðanna. Seinni viðureignin er á morgun í Manchester.
Athugasemdir