Hópur harðkjarna stuðningsmanna Paris Saint-Germain reyndu að trufla undirbúning Real Madrid fyrir viðureign liðanna í Meistaradeildinni í kvöld með því að veta með læti fyrir utan hótel liðsins.
Klukkan 1:30 voru flugeldar sprengdir og barið á trommur við liðshótelið í þeirri von að það myndi trufla svefn ríkjandi Evrópumeistara.
Klukkan 1:30 voru flugeldar sprengdir og barið á trommur við liðshótelið í þeirri von að það myndi trufla svefn ríkjandi Evrópumeistara.
Lögreglan mætti á staðinn og fældi stuðningsmennina í burtu.
Lið Real Madrid dvelur á Hotel du Collectionneur í París sem er um átta kílómetrum frá heimavelli PSG, Parc des Princes.
Fyrri viðureignin í Madríd endaði 3-1 fyrir Real Madrid en í kvöld ræðst það hvort liðið kemst í 8-liða úrslitin. Neymar er ekki með PSG vegna meiðsla en hann mun ekki spila á næstunni.
Unai Emery, þjálfari PSG, hefur kallað eftir því að stuðningsmenn verði þeirra tólfti maður á leiknum í kvöld.
„Þetta er leikur sem þú spilar með höfðinu og hjartanu. Hjartað verður mikilvægast í leiknum," segir Emery en framundan er erfitt verkefni gegn Real Madrid sem stefnir að því að vinna Meistaradeildina þriðja árið í röð.
Athugasemdir