Elfar Árni skoraði tvö gegn uppeldisfélaginu
Völsungur 1 - 4 Breiðablik
0-1 Andri Rafn Yeoman ('42)
0-2 Sverrir Ingi Ingason ('65, víti)
0-3 Elfar Árni Aðalsteinsson ('75)
0-4 Elfar Árni Aðalsteinsson ('85)
1-4 Hrannar Björn Steingrímsson ('88)
0-1 Andri Rafn Yeoman ('42)
0-2 Sverrir Ingi Ingason ('65, víti)
0-3 Elfar Árni Aðalsteinsson ('75)
0-4 Elfar Árni Aðalsteinsson ('85)
1-4 Hrannar Björn Steingrímsson ('88)
Blikar lentu ekki í erfiðleikum þegar þeir mættu Völsungi á Húsavík í riðli 2 í A deild Lengjubikars karla. Um var að ræða fyrsta mótsleik meistaraflokks Völsungs á nýjum gervigrasvelli í bænum.
Blikar eru eftir sigurinn á toppi riðils 2, en Valsarar eru fjórum stigum neðar og eiga tvo leiki til góða.
Andri Rafn Yeoman kom gestunum yfir í dag rétt fyrir leikhlé eftir stungusendingu frá Guðjóni Pétri Lýðssyni og bætti Sverrir Ingi Ingason öðru marki leiksins við úr vítaspyrnu eftir tuttugu mínútur af síðari hálfleik.
Elfar Árni Aðalsteinsson skoraði svo tvö mörk gegn uppeldisfélagi sínu. Það seinna með skalla eftir fyrirgjöf og kom gestunum fjórum mörkum yfir.
Hrannar Björn Steingrímsson skoraði eina mark heimamanna þegar tvær mínútur voru til leiksloka, glæsilegt mark úr aukaspyrnu, en Völsungur er í neðsta sæti riðilsins með eitt stig eftir jafntefli við Fram.
Byrjunarlið Völsungs: Dejan Pesic (m), Sveinbjörn Már Steingrímsson, Péter Odrobéna, Bergur Jónmundsson , Marko Blagojevic, Gunnar Sigurður Jósteinsson, Hrannar Björn Steingrímsson (f), Pétur Ásbjörn Sæmundsson, Ásgeir Sigurgeirsson, Guðmundur Óli Steingrímsson, Sindri Ingólfsson.
Byrjunarlið Breiðabliks: Gunnleifur Vignir Gunnleifsson (m), Finnur Orri Margeirsson (f), Renee Gerard J. Troost, Sindri Snær Magnússon, Elfar Árni Aðalsteinsson, Guðjón Pétur Lýðsson, Sverrir Ingi Ingason, Kristinn Jónsson, Ellert Hreinsson, Árni Vilhjálmsson, Andri Rafn Yeoman.
Athugasemdir
