„Við vissum að þær eru mjög aggressívar og maður þurfti að mæta alveg eins. Því miður fékk ég nokkur högg en ég er alveg góð svo það er ekkert stress," sagði Gunnhildur Yrsa Jónsdóttir við Fótbolta.net eftir 2-0 sigur Íslands í Slóveníu í dag.

Gunnhildur skoraði fyrra mark Íslands af harðfylgi eftir að Sif Atladóttir átti langt innkast. Gunnhildur fékk högg þegar hún skoraði markið.

„Ég var smá stressuð. Ég hef nefbrotnað áður það er örugglega það versta sem ég hef lent í. Hún náði öllu andlitinu og það var ágætt. Ég næ næsta leik."