fös 06. maí 2016 15:46
Elvar Geir Magnússon
Dembele í sex leikja bann
Mynd: Getty Images
Mousa Dembele, miðjumaður Tottenham, hefur verið dæmdur í sex leikja bann eftir að hafa potað í auga Diego Costa, sóknarmanns Chelsea.

Belgíski landsliðsmaðurinn áfrýjaði ekki ákæru enska sambandsins en dómarinn sá ekki umrætt atvik. Það náðist hinsvegar á myndbandsupptöku.

Enska knattspyrnusambandið taldi að hátterni Dembele væri alvarlegra en svo að hann ætti að fara í hið hefðbundna þriggja leikja bann.

Tímabilinu er því lokið hjá Dembele en Tottenham er í öðru sæti ensku úrvalsdeildarinnar.



Athugasemdir
banner
banner