Maður þarf náttúrulega ekki nema bara að lesa leikskýrsluna og sjá nöfn þessara leikmanna sem Sir Hlynur F. Þormóðsson, Gaffer Ginola liðsins, og hans #2, John Cariglia, hafa sankað að sér í gegnum tíðina til þess að sannfærast um sigur liðsins. Í liðinu eru leikmenn eins og Bronski „Blöff“ Vatnsdal, Óðinn „Mjöðm“ Árnason, Davíð „Hápressa“ Stefánsson, Magnús „Hr. Ísland“ Helgason, Símon „Tuborg“ Valdimarsson , Hörður „Roberto Carlos“ Rúnarsson, Jónas „I dont run, I score goals“ Hafþórsson og svona gæti ég lengi talið áfram.

Breiddin mun vera þeirra helsti styrkleiki og þá á ég aðallega við starfandi fyrirliða, G. „Pirlo“ Sigurðsson, sem er í breiðari kantinum, ásamt einbeittum sigurvilja og ekki hvað síst undirbúningnum sem einkennst hefur af réttri en ölkenndri næringu og þrotlausum aukaæfingum sem oft eru fram á nótt á Götubarnum.

Ef þeir ná upp þessu léttleikandi spili sem þeir eru hvað þekktastir fyrir sem samanstendur af þríhyrningum og þrumuskotum, sem ég hef einmitt reynt að innleiða í mínar þjálfunaraðferðir, eiga þeir sigurinn næsta vísan.

Myndbönd af leikjum Ginola á síðustu Pollamótum hafa almennt komið í stað Knattspyrnuskóla KSÍ sem grunnstoð þjálfunar á Íslandi og víðar.“ Segir Guðmundur sem aðspurður vill ekki útiloka að ákveðnir leikmenn Ginola liðsins séu undir smásjá úrvalsdeildarliðs Breiðabliks, en Guðmundur er einmitt aðstoðarþjálfari Blika. „Það sem helst setur strik í reikninginn eru launakröfur leikmanna Ginola og ótrúleg hollusta þeirra við klúbbinn sinn.“