,,Ég er mjög glaður og hlakka til að byrja að spila með GIF Sundsvall," sagði Rúnar Már við heimasíðu félagsins.

Rúnar æfði með Sundvall í vetur og var nálægt því að ganga til liðs við félagið áður en hann fór til hollenska félagsins Zwolle á lán.

,,Ég þekki til félagsins eftir að hafa æft hér og hef fylgst með liðinu á internetinu síðan þá."

GIF Sunsvall er sem stendur í þriðja sæti í sænsku B-deildinni en Jón Guðni Fjóluson er á mála hjá félaginu.