Alfreð Finnbogason segir að móttökurnar í Grikklandi hafi verið skemmtilegar eftir að Olympiakos sigraði Arsenal 3-2 á útivelli fyrir viku síðan.
Alfreð skoraði sigurmarkið í leiknum en stuðningsmenn Olympiakos tóku vel á móti honum og öðrum leikmönnum við heimkomuna í Grikklandi.
Alfreð skoraði sigurmarkið í leiknum en stuðningsmenn Olympiakos tóku vel á móti honum og öðrum leikmönnum við heimkomuna í Grikklandi.
„Við flugum heim daginn eftir. Við fengum fylgd með góðum mönnum á æfingasvæðið þar sem fólk tók á móti okkur. Það var mjög gaman að upplifa þetta. Þeir fara mjög hátt í sigrunum og mjög lágt í töpunum og það er gott að vera búinn að upplifa sigrana, sagði Alfreð við Fótbolta.net í dag.
„Það er mikil umfjöllun þarna. Maður skilur ekki orð í blöðunum og veit ekkert hvað er verið að segja en það hlýtur að vera eitthvað jákvætt."
Alfreð var áfram á bekknum hjá Olympiakos um síðustu helgi þrátt fyrir markið á Emirates.
„Mér fannst það mjög skrýtin ákvörðun. Ég er alltaf ósáttur við að byrja ekki. Ég þarf að spila fleiri leiki til að komast í gang svo að sjálfsögðu var ég ósáttur," sagði Alfreð.
Alfreð er í íslenska landsliðshópnum fyrir komandi leiki gegn Lettum og Tyrkjum í undankeppni EM. Íslenska liðið hefur þegar tryggt sér sæti á EM fyrir þessa komandi leiki.
„Við erum ekkert vanir þessu. Við þurfum að sýna að við séum atvinnumenn. Það þarf ekki að mótívera sig til að spila fyrir íslenska landsliðið og ég held að það verði ekki vandamál," sagði Alfreð.
Hér að ofan má sjá viðtalið í heild sinni.
Athugasemdir