Fabio Capello, fyrrum landsliðsþjálfari Englendinga, hefur látið Jose Mourinho stjóra Chelsea heyra það.
Mourinho er undir pressu eftir skelfilega byrjun Chelsea í ensku úrvalsdeildinni en liðið er í 16. sæti deildarinnar. Capello segir að leikmenn Chelsea séu orðnir þreyttir undir stjórn Mourinho.
„Mourinho lætur leikmenn sína brenna út eftir eitt og hálft ár, í mesta lagi tvö ár," sagði Capello.
„Ég heyrði þetta þegar hann var í Madrid og núna erum við með staðfestinguna í London."
„Það er rétt að Chelsea er að tapa á fjarveru leikmanna eins og [Thibaut] Courtois en það hafa líka verið taktísk mistök hjá þjálfaranum því að hann hefur ekki undirbúið liðið nægilega vel fyrir leiki."
Athugasemdir