Heimild: mbl.is
„Ég er búinn að taka að mér annað spennandi og viðamikið verkefni, ótengt fótbolta, sem ég gat ekki sagt nei við á þessum tímapunkti," segir Haukur Ingi Guðnason í samtali við mbl.is.
Haukur útilokar það að halda áfram við þjálfun Keflavíkur en hann og Jóhann Birnir Guðmundsson tóku við liðinu í sumar af Kristjáni Guðmundssyni þegar hann var rekinn. Hauki og Jóhanni mistókst að rétta skútuna við og fall varð niðurstaðan.
Haukur útilokar það að halda áfram við þjálfun Keflavíkur en hann og Jóhann Birnir Guðmundsson tóku við liðinu í sumar af Kristjáni Guðmundssyni þegar hann var rekinn. Hauki og Jóhanni mistókst að rétta skútuna við og fall varð niðurstaðan.
„Það hefði vissulega verið krefjandi og skemmtilegt að halda áfram með liðið ásamt Jóhanni og fá heilt undirbúningstímabil til þess að móta okkar eigið lið og vinna með þá þætti sem við höfðum ekki tækifæri í sumar til að taka föstum tökum," segir Haukur við mbl.is.
Talið er líklegast að Þorvaldur Örlygsson verði næsti þjálfari Keflavíkur eins og við greindum frá fyrr í dag.
Athugasemdir