Kolbeinn á æfingu Íslands í morgun.
Landsliðið er komið saman og það æfði nú í morgun á Laugardalsvelli. Ísland mætir Lettlandi í seinasta heimaleik undankeppni EM á laugardaginn en svo er haldið til Tyrklands þar sem seinasti leikurinn í undankeppninni fer fram.
Í leiknum gegn Lettum á laugardag verður Kolbeinn Sigþórsson fyrirliði þar sem Aron Einar Gunnarsson tekur út leikbann.
„Það verður kærkomið að þakka öllum fyrir stuðninginn sem hafa stutt okkur í keppninni. Vonandi verður þetta skemmtilegt. Það er frábært að klára þetta hér heima sem fyrirliði, það er frábært fyrir mig," segir Kolbeinn.
„Það er gott að vera kominn heim eins og alltaf og það er tilhlökkun fyrir þessa leiki. Markmiðið er að reyna að ná fyrsta sætinu."
Viðtalið má sjá hér að ofan en þar tjáir Kolbeinn sig meðal annars um lífið hjá Nantes í franska boltanum.
Athugasemdir
