Messi sleppur en faðir hans gæti endað í fangelsi.
Lionel Messi hefur verið hreinsaður af ásökunum um skattsvik, en faðir hans Jorge gæti þó átt von á 18 mánaða fangelsisvist og tveggja milljóna evra sekt.
Ríkissaksóknari á Spáni vill að faðir Messi verði fangelsaður og sektaður fyrir að hafa svikist undan skatti sem nemur 4,2 milljónum evra á árunum 2007 til 2009. Saksóknarinn segir að Lionel Messi sjálfur ætti að sleppa við ákærur þar sem faðir hans sá um fjármál leikmannsins á tímanum, en slíkt var endanlega sannað með gögnum sem birt voru á þriðjudag.
Ríkissaksóknari á Spáni vill að faðir Messi verði fangelsaður og sektaður fyrir að hafa svikist undan skatti sem nemur 4,2 milljónum evra á árunum 2007 til 2009. Saksóknarinn segir að Lionel Messi sjálfur ætti að sleppa við ákærur þar sem faðir hans sá um fjármál leikmannsins á tímanum, en slíkt var endanlega sannað með gögnum sem birt voru á þriðjudag.
Dómstóllinn sem sér um málið hafði þegar hafnað áfrýjun Messi yngri á síðasta ári og sagt að hann væri ábyrgur fyrir því að hafa samþykkt stofnun ýmissa skúffufyrirtækja sem voru notuð til að svíkja undan skatti á tekjum sem hann fékk fyrir að selja ímynd sína.
Lionel og faðir hans borguðu spænskum skattyfirvöldum fimm milljónir evra árið 2013 sem "leiðréttingargreiðslu" eftir að hafa verið ákærðir.
Athugasemdir
