„Formenn og stjórnarmennWest Ham United vill þakka Slaven og starfsliði hans fyrir þjónustuna undanfarið tvö og hálft ár en við teljum að breytingar séu nauðsynlegar til að félagið taki jákvæð skref í takt við metnað okkar," sagði í yfirlýsingu frá West Ham í dag.

David Moyes, fyrrum stjóri Manchester United, Sunderland og Everton, þykir líklegastur til að taka við Hömrunum.

„Félagið hefur hafið leit að nýjum stjóra fyrir West Ham United og tilkynning um eftirmann Bilic ætti að koma á næstu dögum" sagði í yfirlýsingunni.

Bilic hefur verið í heitu sæti undanfarnar vikur og 4-1 tap gegn Liverpool um helgina var kornið sem fyllti mælinn hjá forráðamönnum félagsins.

West Ham er í 18. sæti í ensku úrvalsdeildinni með níu stig eftir ellefu umferðir.