Spænski miðjumaðurinn Jordi Gomez lék í enska boltanum í átta ár áður en hann færði sig um set í sumar og samdi við Levski Sofia í Búlgaríu.
Hinn 32 ára gamli Gomez spilaði með Swansea, Wigan, Sunderland og Blackburn á ferli sínum í ensku úrvalsdeildinni og Championship deildinni.
Hinn 32 ára gamli Gomez spilaði með Swansea, Wigan, Sunderland og Blackburn á ferli sínum í ensku úrvalsdeildinni og Championship deildinni.
Gomez hefur eins og aðrir fylgst með uppgangi íslenska landsliðsins undanfarin ár.
„Allir vita að Ísland stóð sig frábærlega á EM og núna er liðið á HM. Íslandi gengur vel og liðið er að standa sig vel," sagði Gomez í viðtali við Fótbolta.net.
Ísland er á leið á HM næsta sumar og Gomez gæti vel séð annað ævintýri í uppysiglingu þar.
„Ísland stóð sig frábærlega á EM og hver veit? Þeir eru að gera réttu hlutina og eru með gott lið. Kannski geta þeir komið aftur á óvart."
Hjá Levski Sofia spilar Gomez með Hólmari Erni Eyjólfssyni sem leikur í vörn liðsins.
„Hann er mjög góður náungi. Ég kann mjög vel við hann. Hann er að standa sig frábærlega með okkur. Við erum að halda hreinu og fáum ekki mörg mörk á okkur. Hann er að standa sig frábærlega," sagði Gomez.
Athugasemdir