Garðar Bergmann Gunnlaugsson.
„Ég var ekki búinn að gefa upp vonina. Maður vonaðist alltaf eftir að fá tækifæri í einhverjum vináttuleik," sagði Garðar Bergmann Gunnlaugsson framherji ÍA við Fótbolta.net í dag.
Garðar er nýliði í íslenska landsliðshópnum sem er á leið til Abu Dhabi þar sem fara fram vináttuleikir gegn Finnum og Sameinuðu Arabísku Furstadæmunum.
Garðar er nýliði í íslenska landsliðshópnum sem er á leið til Abu Dhabi þar sem fara fram vináttuleikir gegn Finnum og Sameinuðu Arabísku Furstadæmunum.
„Þetta er algjör snilld og sýnir að maður á aldrei að gefast upp í að ná sínum draumum."
„Ég er ekki búinn að hugsa stíft um þetta undanfarin ár en það hefur alltaf verið aftast í kollinum á manni að ná landsleik. Þetta er gríðarlega skemmtilegt."
„Það eru frábærir leikmenn í hópnum. Ég hef spilað með og á móti nokkrum þeirra. Þetta verður gaman."
Garðar spilar með ÍA gegn Þrótti í Fótbolta.net mótinu á laugardag áður en hann heldur af stað til Abu Dhabi með landsliðinu á sunnudag.
Athugasemdir
