Stúlkurnar hans Sigurðar Ragnars Eyjólfssonar í kínverska kvennalandsliðinu báru sigur úr býtum gegn Rússlandi í leiknum um 11. sætið á mótinu í dag.

Kína hafði tapað öllum þremur leikjum sínum á mótinu fyrir leikinn gegn Rússunum, sem höfðu einnig tapað öllum sínum.

Rússland komst yfir á 40. mínútu og var staðan 1-0 í hálfleik. Siggi Raggi hélt góða hálfleiksræðu og jafnaði Kína á 53. mínútu. Það var svo Song Duan sem gerði sigurmark Kína á 78. mínútu.

Lokatölur 2-1 fyrir Kína sem endar í 11. sæti á Algarve.

Ísland leikur á eftir við Danmörku um 9. sætið.